Fundað með endurskoðendum leyfisumsækjenda
KSÍ hefur boðið endurskoðendum og fulltrúum þeirra félaga sem undirgangast leyfiskerfi KSÍ á fund um fjárhagshluta leyfiskerfis KSÍ. Aðrir endurskoðendur, eða áhugasamir aðilar, eru jafnframt boðnir velkomnir.
Farið verður stuttlega yfir grunnatriði leyfiskerfis KSÍ og endurskoðendurnir Björn Victorsson og Stefán Franklín munu fara ítarlega yfir fjárhagskafla leyfisreglugerðarinnar, þær reglur sem gilda og það vinnulag sem krafist er við undirbúning fjárhagslegra leyfisgagna. Sams konar fundur var haldinn með góðri þátttöku í janúar 2011, í síðasta leyfisferli, og voru viðbrögð afar jákvæð.
Fundurinn verður haldinn í höfuðstöðvum KSÍ á Laugardalsvelli fimmtudaginn 12. janúar kl. 16:00-18:00.
