Keppnisleyfi, vallarleyfi og þátttökuleyfi
Skrifstofu KSÍ berast reglulega spurningar um hin ýmsu leyfi sem gefin eru út. Leyfin eru sem sagt þrenns konar: Keppnisleyfi, vallarleyfi og þátttökuleyfi. Og um hvað snúast þessi leyfi þá, er þetta allt um sama hlutinn, er þetta allt í leyfiskerfinu?
- Keppnisleyfi eru gefin út til handa leikmönnum og gera þeim kleift að taka þátt í mótsleikjum með tilteknu félagi. Keppnisleyfi eru gefin út af mótadeild.
- Vallarleyfi eru gefin út til handa keppnisvöllum félaga og gera félögunum kleift að leika á viðkomandi velli í ákveðnum mótum. Vallarleyfi eru gefin út af mannvirkjanefnd.
- Þátttökuleyfi eru gefin út af leyfisstjórn til handa félögum sem hyggjast leika í efstu tveimur deildum karla og þurfa að uppfylla kröfur leyfiskerfisins til þess.
Þannig að ....
Keppnisleyfi leikmanna og vallarleyfi keppnisvalla eru ekki á höndum leyfisstjórnar. Einu leyfin sem falla undir leyfiskerfið eru þátttökuleyfi félaga.
.jpg?proc=760)
