U17 karla - Tap í fyrsta leik
Strákarnir í U17 töpuðu sínum fyrsta leik í undankeppni EM en riðillinn er leikinn í Ísrael. Mótherjarnir í Sviss reyndust sterkari í dag og höfðu sigur, 5 - 1, eftir að staðan hafði verið 3 - 1 í leikhléi. Emil Ásmundsson skoraði mark Íslendinga á lokamínútu fyrri hálfleiks.
Í hinum leik riðilsins lögðu Grikkir heimamenn í Ísrael, 4 - 1. Íslendingar mæta Grikkjum á föstudaginn kl. 10:00 og þurfa góð úrslit til að eygja von um að tryggja sig áfram í milliriðla en tvö efstu liðin komast áfram upp úr riðlinum.
