U17 kvenna - Sigur gegn Kasakstan í öðrum leiknum
Stelpurnar í U17 lögðu stöllur sínar frá Kasakstan í dag en leikurinn var liður í undankeppni EM. Riðill Íslands er leikinn í Austurríki en íslensku stelpurnar skoruðu tvö mörk án þess að Kasakstan hafi komist á blað. Þetta er annar sigur íslensku stelpnann í riðlinum en þær lögðu heimastúlkur í fyrsta leik 2 - 1.
Íslenska liðið réði ferðinni í þessum leik og sótti án afláts. Fyrsta mark leiksins skoraði Glódís Perla Viggósdóttir á 19. mínútu og var það eina mark fyrri hálfleiks. Glódís var aftur á ferðinni eftir 10 mínútna leik í síðari hálfleik. Það var svo Eva Lind Elíasdóttir sem skoraði lokamark leiksins á lokamínútunni og öruggur sigur Íslands í höfn.
Lokaleikur liðsins verður næstkomandi miðvikudag en þá verða Skotar mótherjarnir. Búast má við hörkuleik þar en Skotar lögðu Kasaka af velli með sömu markatölu, 3 - 0. Skotar leika svo við Austurríki síðar í dag.
