A landslið karla - Hópurinn gegn Portúgal valinn
Ólafur Jóhannesson, landsliðsþjálfari, hefur valið hópinn mætir Portúgal í undankeppni EM en leikið verður í Porto, föstudaginn 7. október kl. 20:00. Þetta er lokaleikur Íslands í riðlinum en Ísland hefur hlotið 4 stig í undankeppninni.
Þetta er fjórða viðureign þjóðanna í A landsliðum karla og hafa Portúgalir haft sigur í öllum þremur leikjunum til þessa, síðast hér á Laugardalsvelli í október á síðasta ári.
Portúgalir eru í harðri baráttu um efsta sæti riðilsins sem gefur þátttökurétt í úrslitakeppni EM 2012 sem fram fer í Úkraínu og Póllandi.
Portúgal, Danmörk og Noregur eru öll með 13 stig, Noregur eftir sjö leiki en Portúgal og Danmörk eftir sex leiki.
