U19 kvenna - Ísland mætir Wales í dag
Stelpurnar í U19 leika lokaleik sinn í undankeppni EM í dag þegar þegar þær mæta stöllum sínum frá Wales. Leikið verður á Fylkisvelli og hefst leikurinn kl. 16:00. Báðar þessar þjóðir hafa þegar tryggt sér sæti í milliriðlum, eru með 6 stig eftir tvo leiki, en berjast nú um toppsæti riðilsins. Wales dugar jafntefli þannig að íslenska liðið þarf sigur í þessum leik.
Ólafur Þór Guðbjörnsson, landsliðsþjálfari U19 kvenna, hefur valið byrjunarlið sitt fyrir leikinn í dag og er það þannig skipað.
Markvörður: Þórdís María Aikman
Hægri bakvörður: Anna María Baldursdóttir
Vinstri bakvörður: Þórdís Hrönn Sigfúsdóttir
Miðverðir: Glódís Perla Viggósdóttir og Írunn Þorbjörg Aradóttir
Tengiliðir: Fjolla Shala, fyrirliði, Lára Kristín Pedersen og Hildur Antonsdóttir
Hægri kantur: Guðmunda Brynja Óladóttir
Vinstri kantur: Katrín Gylfadóttir
Framherji: Aldís Kara Lúðvíksdóttir
Hinn leikur riðilsins fer fram á Varmárvelli í dag kl. 16:00 en þar mætast Slóvenia og Kasakstan.
