Hittir einhver markslána í hálfleik á miðvikudag?

Í hálfleik á viðureign Íslands og Noregs í undankeppni EM kvenna 2013, sem fram fer laugardaginn 17. september, munu fimm heppnir vallargestir fá tækifæri til að spreyta sig í erfiðri en skemmtilegri þraut. 

Þrautin felst í því að spyrna knetti frá vítateigsboganum (efst á boganum) með það fyrir augum að hitta þverslána.  Hver og einn af þessum fimm fær aðeins eina tilraun, og vinningurinn ef það tekst er af glæsilegri tegundinni - ferð fyrir tvo til útlanda með Icelandair!

Þessir fimm aðilar verða dregnir út af handahófi í gegnum miðasölukerfi Miða.is.  Aðeins verður dregið úr seldum miðum, þannig að þeir sem fá miða eftir öðrum leiðum (heiðursstúka, fjölmiðlar, samstarfsaðilar KSÍ), verða ekki í pottinum.

Hverjir verða dregnir út?  Fylgist með ....