Ísland - Kýpur í kvöld
Ísland og Kýpur mætast kl. 18:45 í kvöld á Laugardalsvellinum. Þetta er síðasti heimaleikur íslenska liðsins í undankeppni EM 2012 og strákarnir eru staðráðnir í að innbyrða fyrsta sigurinn og lyfta sér þér með af botninum og upp fyrir Kýpur.
Ísland og Kýpur hafa mæst fjórum sinnum áður og hafa þrír leikjanna verið vináttuleikir. Fyrsti mótsleikurinn gegn Kýpverjum var í mars á þessu ári þegar liðin gerði markalaust jafntefli ytra. Liðin gerðu einnig markalaust jafntefli á Kýpur í vináttulandsleik í mars í fyrra.
Miðasalan við Laugardalsvöll opnar kl. 14:00. Allir á völlinn og styðjum strákana til sigurs!
