Kolbeinn í stjörnuliði úrslitakeppni EM U21
Framherjinn Kolbeinn Sigþórsson er í stjörnuliði úrslitakeppni EM U21 karla en sérstakt tæknlið UEFA valdi leikmenn í þetta lið. Flestir leikmenn koma frá Evrópumeisturum Spánverja en þeir eiga sjö fulltrúa af 23 leikmönnum í þessu stjörnuliði UEFA.
Allar þátttökuþjóðirnar átta eiga fulltrúa í liðinu en Ísland, Hvíta Rússland og Úkraína eiga þar einn fulltrúa. Eins og áður sagði eru sjö leikmenn frá Spáni í liðinu, silfurlið Sviss á fimm leikmenn og Tékkar eiga þrjá. Englendingar eru einnig með þrjá fulltrúa og gestgjafar Dana eru með tvo.
