A landslið karla - Haraldur Freyr kemur inn í hópinn
Ólafur Jóhannesson, landsliðsþjálfari, hefur valið Harald Frey Guðmundsson í hópinn fyrir leikinn gegn Dönum sem fer fram næstkomandi laugardag á Laugardalsvelli. Haraldur tekur sæti Ragnars Sigurðssonar sem dró sig út úr hópnum.
Haraldur verður því, ásamt öðrum leikmönnum íslenska hópsins, á opinni æfingu á Víkingsvelli í dag kl. 16:00. Þar getur knattspyrnuáhugafólk fylgst með æfingu liðsins úr stúkunni og fengið eiginhandaáritanir eftir æfingu.
