U19 kvenna - Góður sigur á Wales
Stelpurnar í U19 unnu í dag góðan sigur á Wales í milliriðli EM en leikið er einmitt í Wales. Lokatölur urðu 2 - 0 Íslandi í vil og voru það Sóley Guðmundsdóttir og Katrín Ásbjörnsdóttir sem skoruðu mörkin, sitt í hvorum hálfleiknum.
Þetta var annar leikur liðsins í riðlinum en Ísland tapaði gegn Tyrkjum í fyrsta leiknum. Í hinum leik riðilsins í dag, lögðu Þjóðverjar Tyrki 2 - 0. Ísland mætir Þýskalandi í lokaleiknum á þriðjudaginn.
Efsta lið riðilsins tryggir sér sæti í úrslitakeppninni en Þjóðverjar eru nú í efsta sæti riðilsins með fjögur stig, Ísland og Tyrkland hafa þrjú stig og heimastúlkur í Wales eru með eitt stig. Ljóst er að leggja þarf Þjóðverja að velli í lokaleiknum til þess að eiga möguleika á efsta sæti riðilsins.
.jpg?proc=760){kind=logo}
