U19 kvenna - Leikið við Tyrki í dag
Stelpurnar í U19 leika í dag fyrsta leik sinn í milliriðli EM en leikið er í Wales. Mótherjarnir í dag eru Tyrkir en hinar þjóðirnar í riðlinum eru heimastúlkur og Þjóðverjar. Leikur Íslands hefst kl. 13:00 að íslenskum tíma og á eftir leika Wales og Þýskaland.
Ólafur Þór Guðbjörnsson, landsliðsþjálfari U19 kvenna, hefur tilkynnt byrjunarliðið fyrir leikinn í dag og er það þannig skipað:
Markvörður: Birna Berg Haraldsdóttir
Hægri bakvörður: Hildur Sif Hauksdóttir
Vinstri bakvörður: Sóley Guðmundsdóttir
Miðverðir: Hanna María Jóhannsdóttir og Rebekka Sverrisdóttir
Tengiliðir: Arna Sif Ásgrímsdóttir, Fjolla Shala og Katrín Ásbjörnsdóttir
Hægri kantur: Sigrún Ella Einarsdóttir
Vinstri kantur: Þórdís Hrönn Sigfúsdóttir
Framherji: Berglind Björg Þorvaldsdóttir
Hægt er að fylgjast með textalýsingu af leiknum, eins og öðrum leikjum riðilsins, á heimasíðu UEFA
.jpg?proc=760)
.jpg?proc=760)
