Tveggja marka tap gegn Ungverjum
U17 landslið karla tapaði 0-2 fyrir Ungverjum í milliriðli EM í dag, en riðillinn er einmitt leikinn í Ungverjalandi. Þetta tap þýðir því miður að drengirnir okkar eiga ekki möguleika á að komast áfram í úrslitakeppnina. Aðeins efsta liðið fer áfram í keppninni.
Mörk Ungverja í leiknum komu sitt hvorum megin við hálfleikinn, það fyrra á annarri mínútu uppbótartíma í fyrri hálfleik og það seinna eftir aðeins tveggja mínútna leik í þeim síðari.
Í hinum leik riðilsins lögðu Rúmenar Rússa með tveimur mörkum gegn einu. Ísland mætir Rússlandi í lokaumferðinni, sem fram fer á þriðjudag. Rússar og Ungverjar eiga enn möguleika á að komast áfram, en Rúmenar eru efstir og því í bestu stöðunni.
.jpg?proc=760)
.jpg?proc=760)
