• fim. 24. mar. 2011
• Landslið

U17 karla - Jafntefli gegn Rúmenum í fyrsta leik

Strákarnir í U17 gerðu jafntefli í fyrsta leik sínum í milliriðli fyrir EM en riðillinn er leikinn í Ungverjalandi.  Mótherjarnir í fyrsta leiknum voru Rúmenar og lauk leiknum með markalausu jafntefli.

Þrátt fyrir að mörkin létu á sér standa var leikurinn nokkuð fjörugur og bæði lið sköpuðu sér ágætis færi.  Rúmenar voru heldur meira með boltann en íslenska liðið átti þó, ef eitthvað var, heldur fleiri færi í leiknum.

Ágætis byrjun hjá strákunum í þessum hörkuriðli en næsti leikur liðsins verður gegn heimamönnum í Ungverjalandi á laugardaginn.

 

• Landslið