7 félögum veitt þátttökuleyfi
Leyfisráð fundaði í hádeginu í dag, mánudag, fór yfir leyfisgögn og tók ákvörðun um að veita 7 félögum þátttökuleyfi. Áður hafði 13 félögum verið veitt leyfi á fundi ráðsins 8. mars síðastliðinn.
Félög sem fengu þátttökuleyfi:
- Fjölnir
- Grótta
- ÍBV
- Keflavík
- KR
- Valur
- Víkingur R.
Fundi var frestað vegna ákvarðanatöku um fjögur félög - BÍ/Bolungarvík, Fylkir, HK og Hauka. Leyfisráð kemur aftur saman í hádeginu á fimmtudag og tekur þá lokaákvörðun vegna þeirra félaga.
Nokkur félög fengu ábendingar vegna nýrra greina í leyfisreglugerðinni, en gefin er árs aðlögun áður en þær greinar verða keyrðar af fullum krafti. Annars vegar er um að ræða kröfu um menntun aðstoðarþjálfara í yngri flokkum og hins vegar kröfu um menntun yfirþjálfara yngri flokka, sem var hækkuð úr KSÍ-B í KSÍ-A. Félögunum var bent á að menntun þjálfara verður skilyrðislaust að uppfylla allar kröfur eins fljótt og mögulegt er, miðað við framboð KSÍ á námskeiðum.
ÍBV, Keflavík og Fjölnir uppfylltu ekki kröfu um menntun þjálfara yngri flokka og gerir leyfisráð tilögu til aga- og úrskurðarnefndar um að félögin verði beitt viðurlögum í samræmi við 8. grein leyfisreglugerðarinnar.
.jpg?proc=760)
