KSÍ heldur 7. stigs þjálfaranámskeið - Hefst 21. febrúar
Mánudaginn 21. febrúar kl. 16:15 fer af stað KSÍ VII þjálfaranámskeið en það er lokastigið í UEFA A (KSÍ A) þjálfaragráðunni. Farið verður yfir námskeiðið á fundi í höfuðstöðvum KSÍ. Þeir þjálfarar sem starfa úti á landi þurfa ekki að gera sér ferð til Reykjavíkur út af þessum fundi heldur verður námskeiðið útskýrt fyrir þeim á símafundi. En þeir þjálfarar þurfa samt sem áður að skrá sig í síðasta lagi fimmtudaginn 17. febrúar. Tímasetning símafundarins verður tilkynnt síðar.
Skráning stendur yfir og síðasti dagur skráningar er fimmtudagurinn 17. febrúar. Hægt er að skrá sig með því að senda tölvupóst á dagur@ksi.is eða með því að hringja í síma 510-2977.
Þátttökurétt hafa allir þjálfarar sem skráðir eru með 6. stigs þjálfararéttindi eða E stig-Sérnámskeið. En skilyrði fyrir þátttöku er að viðkomandi sé starfandi aðalþjálfari, aðstoðarþjálfari, yfirþjálfari eða markmannsþjálfari.
Námskeiðið kostar 92.000 kr. Frekari upplýsingar um námskeiðið má sjá í skjali hér að neðan.
.jpg?proc=760)
