Ársreikningur KSÍ 2010 birtur
Knattspyrnusamband Íslands (KSÍ) birtir nú ársreikning sinn fyrir árið 2010. Rekstrartekjur KSÍ á árinu 2010 námu 723 milljónum króna samanborið við 703 milljónir króna á árinu 2009. Hækkun rekstrartekna skýrist fyrst og fremst af hækkun sjónvarpstekna og auknu framlagi frá FIFA. Rekstrarkostnaður KSÍ var undir áætlaðri upphæð eða um 656 milljónir króna.
Rekstrarhagnaður ársins nam rúmum 67 milljónum króna, en áætlanir gerðu ráð fyrir rúmlega 32 milljóna króna hagnaði.
Styrkir og framlög til aðildarfélaga á árinu námu um 83 milljónum króna vegna barna- og unglingastarfs, leyfiskerfis og fleira. Samþykkt áætlun gerði ráð fyrir styrkjum að fjárhæð 47 milljónir króna.
Jöfnuður var milli fjármunatekna og fjármagnsgjalda KSÍ á árinu 2010 um 23 milljónir króna hvor liður. Að teknu tilliti til styrkja og framlaga til aðildarfélaga nam tap ársins tæpum 16 milljónum króna.
Fjárhagsstaða KSÍ er traust við áramót, lausafjárstaða góð, handbært fé um 320 milljónir króna og eigið fé um 218 milljónir króna.
Ársskýrsla KSÍ 2010
Hér að neðan má sjá ársskýrslu KSÍ fyrir starfsárið 2010
Fjárhagsáætlun KSÍ fyrir 2011
Hér að neðan má sjá fjárhagsáætlun KSÍ fyrir starfsárið 2011
