U21 karla - Ísland í riðli með Englandi
Í dag var dregið í riðla í undankeppni EM 2013 hjá U21 karla og fór drátturinn fram í höfuðstöðvum UEFA. Ísland er í riðli 8 ásamt Englandi, Belgíu, Noregi og Aserbaídsjan. Keppnin hefst núna í haust og verður fyrsti leikur gegn Belgum á heimavelli, 1. september. Búið er að ákveða leikdaga en þeir eru þó háðir endanlegu samþykki frá UEFA.
Leikdagar:
- 1. september 2011 Ísland - Belgía
- 6. september 2011 Ísland - Noregur
- 6. október 2011 Ísland - England
- 10. nóvember 2011 England - Ísland
- 29. febrúar 2012 Aserbaídsjan - Ísland
- 5. júní 2012 Ísland - Aserbaídsjan
- 12. júní 2012 Noregur - Ísland
- 10. september 2012 Belgía - Ísland
Enska liðið var í efsta sæti á styrkleikalistanum sem gefinn var út fyrir dráttinn. Belgar koma úr öðrum styrkleikaflokki, Íslendingar úr þeim þriðja, Norðmenn úr fjórða flokknum og Aserar úr fimmta styrkleikaflokknum.
Úrslitakeppnin 2013 mun svo verða leikin í Ísrael. Efsta lið hvers riðils kemst í umspil ásamt þeim fjórum þjóðum sem verða með bestan árangur í 2. sæti.
.jpg?proc=760)
.jpg?proc=760)
