U21 karla - Dregið í undankeppni EM 2013 í dag
Í dag verður dregið í undankeppni EM 2013 hjá U21 karla en dregið verður í höfuðstöðvum UEFA í Sviss. Úrslitakeppnin fer fram að þessu sinni í Ísrael 2013. Þjóðirnar verða 52 í hattinum og verða dregnar í 10 riðla. Tveir riðlanna verða skipaðir 6 liðum og átta riðlar með 5 lið. Þjóðunum er skipt í sex styrkleikaflokka og er Ísland í þriðja flokknum.
Siguvegarar riðlanna 10 komast svo í umspil ásamt þeim fjórum þjóðum sem verða með bestan árangur í öðru sæti. Þessar fjórtán þjóðir leika svo í umspili um sjö sæti í úrslitakeppninni en gestgjafarnir, Ísrael, verða áttunda þjóðin í úrslitakeppninni.
Hægt verður að fylgjast með drættinum í beinni útsendingu á heimasíðu UEFA, www.uefa.com, og hefst drátturinn kl. 11:00 að íslenskum tíma.
.jpg?proc=760){kind=logo}
