Andri fyrstur til að dæma alþjóðlegan Futsalleik
Það eru ekki bara íslenskt Futsallandslið sem er að fara ótroðnar slóðir þessa dagana því íslenskir Futsaldómarar eru líka að láta að sér kveða. Andri Vigfússon dæmdi í kvöld sinn fyrsta alþjóðlega Futsalleik þegar hann var annar dómara á leik Ísraels og Noregs í forkeppni EM. Riðillinn er leikinn í Dublin á Írlandi og var Andri einnig þriðji dómari á leik heimamanna og Andorra.
Norðmenn, sem eins og Íslendingar eru að taka þátt í EM í Futsal í fyrsta skiptið, lögðu Ísrael, 7 - 3. Andorra lagði svo Íra, 2 - 1.
Við óskum Andra til hamingju með þennan áfanga og vonandi að fleiri dómarar láti að sér kveða á þessum vettvangi.
