Samningur endurnýjaður við Sigurð Ragnar
Knattspyrnusamband Íslands framlengdi í dag samning við Sigurð Ragnar Eyjólfsson sem landsliðsþjálfara A landsliðs kvenna og gildir samningurinn til ársloka 2012. Nýr samningur þess efnis var undirritaður í dag í höfuðstöðvum KSÍ.
Sigurður Ragnar hefur stjórnað landsliðinu í 45 leikjum. Í þessum leikjum hafa 24 leikir unnist, 5 leikjum hefur lyktað með jafntefli og tapleikirnir eru 16 talsins.
Fyrstu leikir Sigurðar Ragnars sem landsliðsþjálfara voru á Algarve Cup í marsmánuði 2007 en næstu verkefni landsliðsins eru einmitt á sama móti í mars 2011 en þá eru framundan leikir gegn Svíþjóð, Kína og Danmörku.
Knattspyrnusambandið fagnar þessum nýja samningi við Sigurð Ragnar og væntir mikils af hans störfum.
.jpg?proc=760)
.jpg?proc=760)
