Norðurlandaráðstefna um þjálfaramenntun
Á dögunum var haldin hér á landi Norðurlandaráðstefna um þjálfaramenntun. Ráðstefnuna sóttu fræðslustjórar allra Norðurlanda auk annarra starfsmanna knattspyrnusambandanna sem koma að einhverju leyti að þjálfaramenntun í sínu heimalandi.
Ráðstefna að þessu tagi er haldin einu sinni á ári og skiptast löndin á að halda ráðstefnuna. Að þessu sinni var það í höndum KSÍ en ráðstefnan á næsta ári verður haldin í Noregi í september 2011. Samstarf Norðurlandaþjóðanna í þjálfaramenntunarmálum hefur verið gott í gegnum tíðina og ráðstefna af þessu tagi hefur klárlega stuðlað að góðu sambandi og samstarfi.
Að þessu sinni kynntu þjóðirnar nýjungar í þjálfaramenntun í sínu landi. Auk þess sköpuðust góðar og líflegar umræður um hugsanlegt samstarf Norðurlandanna í tengslum við Evrópukeppni U21 sem haldin verður í Danmörku á næsta ári, markmannsþjálfun, UEFA A Youth þjálfaranámskeið, samstarf knattspyrnusambanda við háskóla, endurmenntun á UEFA B, UEFA A og UEFA Pro þjálfaragráðum o.fl.
Þátttakendur á Norðurlandaráðstefnunni að þessu sinni voru sem hér segir:
Danmörk:
Poul Gilling og Peter Rudbæk.
Finnland:
Kari Ukkonen, Pekka Clewer og Sanna Pirhonen.
Færeyjar:
Petur Simonsen og Rúni Heinesen.
Noregur:
Dag Riisnæs, Jan Roar Saltvik, Jarl Torske og Arne Erlandsen.
Svíþjóð:
Per Widén, Stefan Hjelmberg og Johan Fallby.
Ísland:
Sigurður Ragnar Eyjólfsson, Arnar Bill Gunnarsson og Dagur Sveinn Dagbjartsson, auk þess sem Ragnhildur Skúladóttir, formaður fræðslunefndar KSÍ, Sigurður Þórir Þorsteinsson, formaður KÞÍ, og Ólafur Kristjánsson, kennari á þjálfaranámskeiðum KSÍ, heimsóttu ráðstefnuna.
.jpg?proc=760)
.jpg?proc=760)
