Dregið í undankeppni EM hjá U17 og U19 karla
Í dag var dregið í undankeppni EM 2011/2012 hjá U17 og U19 karla og fór drátturinn fram í höfuðstöðvum UEFA í Sviss. Byrjað var að draga hjá U17 karla kl. 7:30.
Hjá U17 karla er Ísland er í riðli 13 með Grikklandi, Sviss og Ísrael og verður riðillinn leikinn í Ísrael dagana 12. - 17. október 2011. Tvær efstu þjóðirnar í hverjum riðli komast áfram í milliriðla ásamt þeim tveimur þjóðum sem bestan árangur hafa í þriðja sæti riðlanna þrettán.
Hjá U19 karla er Ísland í riðli með Noregi, Lettlandi og Kýpur. Riðillinn verður leikinn á Kýpur, dagana 21. - 26. október.
Þá var dregið í milliriðla hjá U17 karla en íslenska liðið var þar með í hattinum. Ísland er í riðli með Rúmeníu, Ungverjalandi og Rússlandi. Riðill Íslands verður leikinn í Ungverjalandi dagana 24. - 29. mars. Sigurvegari riðilsins tryggir sér sæti í úrslitakeppninni sem fram fer í Serbíu í maí.
.jpg?proc=760){kind=logo}
