Samstarfssamningur KSÍ og SpKef undirritaður
Knattspyrnusamband Íslands og Spkef Sparisjóðurinn í Keflavík undirrituðu á föstudag samkomulag um samstarf til næstu þriggja ára (2011-2013). Geir Þorsteinsson formaður KSÍ og Einar Hannesson Sparisjóðsstjóri undirrituðu samninginn, en í honum felst stuðningur Sparisjóðsins við starfsemi KSÍ á öllum sviðum og nær samningurinn m.a. til allra landsliða Íslands af báðum kynjum.
Samningurinn er liður í endurskipulagningu á samfélagsstuðningi Sparisjóðsins og ber vitni um vilja bankans til að styðja knattspyrnuhreyfinguna. Þá mun samstarfið einnig styrkja innviði sparisjóðsins.
Sparisjóðurinn í Keflavík verður því í lykilhlutverki sem einn af aðalsamstarfsaðilum KSÍ næstu þrjú árin ásamt fjórum öðrum aðilum en fyrir eru Icelandair, Coca Cola, Íslenskar getraunir og Borgun - Alltaf í boltanum með KSÍ.
.jpg?proc=760){kind=logo}
