Dagskrá afmælisráðstefnu KÞÍ 13. nóvember - Afmælisveisla KÞÍ
Í tilefni af 40 ára afmæli Knattspyrnuþjálfarafélags Íslands blæs félagið til afmælisráðstefnu í samvinnu við KSÍ. Ráðstefnan fer fram í höfuðstöðvum KSÍ, laugardaginn 13. nóvember og hefst kl. 10:00.
Dagskrá ráðstefnunnar er svohljóðandi:
10:00 Setning–Sigurður Þ. Þorsteinsson, formaður KÞÍ
10:15 U-21 árs landslið Íslands. Fyrirlesari : Sigurður Ragnar Eyjólfsson
11:15 Skipulag þjálfunar þýskra landsliða. Fyrirl. Michael Köllner fræðslunefnd DFB
12:30 Hádegishlé
13:15 Líkamleg þjálfun knattspyrnumanna. Fyrirlesari : Raymond Verheijen
15:00 Ráðstefnulok
Ráðstefnustjóri : Kristján Guðmundsson
Verð : 3500 krónur, en 1500 krónur fyrir félagsmenn KÞÍ. Innifalið er kaffi og hádegisverður.
Þátttaka á ráðstefnunni gildir sem fimm tímar í endurmenntun fyrir KSÍ B (UEFA B) og KSÍ A (UEFA A)
Þátttaka tilkynnist á netfang : kthi@kthi.is
Fyrirlesarar:
Sigurður R Eyjólfsson, sem kom kvennalandsliði Íslands í úrslitakeppni EM í Finnlandi 2009 rýnir í þá leikmenn sem komu u-21 árs liði Íslands á lokakeppni EM 2011 í Danmörku.
Michael Köllner sem hefur starfað í fræðslunefnd Þýska knattspyrnusambandsins til fjölda ára segir okkur frá uppbyggingu Þjóðverja á landsliðum Þýskalands sem hafa náð glæsilegum árangri á stórmótum undanfarin ár.
Raymond Verheijen fráHollandi , er einn umtalaðasti líkamsþjálfari innan knattspyrnunnar. Hann hefur unnið mikið með Guus Hiddink, m.a. með landslið S-Kóreu og var líkamsþjálfari hjá Manchester City í stjórnartíð Mark Hughes.
http://www.raymondverheijen.nl/nl/index.html
Afmælisveisla
Sama kvöld, laugardaginn 13. nóvember verður blásið til afmælisveislu í tilefni af 40 ára afmælinu í höfuðstöðvum KSÍ. Veislan hefst kl 18:00 og lýkur klukkan 21:00. Léttar veitingar verða á boðstólum en einnig verður boðið upp á valin skemmtiatriði sem og veitt verða heiðursviðurkenningar.
Veislan er ætluð boðsgestum en stjórn KÞÍ hvetur fyrrum stjórnarmenn KÞÍ og þjálfara til þess að heiðra okkur með nærveru sinni.
Þátttaka tilkynnist á netfang : kthi@kthi.is , eða til stjórnarmanna .
.jpg?proc=760)
.jpg?proc=760)
