Vináttulandsleikur gegn Ísrael 17. nóvember
Knattspyrnusambönd Íslands og Ísraels hafa komist að samkomulagi um að karlalandslið þjóðanna leiki vináttulandsleik 17. nóvember næstkomandi. Leikið verður í Tel Aviv en þetta er í þriðja skiptið sem þessar þjóðir mætast hjá A landsliði karla.
Hinir tveir leikirnir voru einnig vináttulandsleikir og fóru þeir fram árið 1992. Fyrri leikurinn var leikinn ytra og lauk með jafntefli, 2 - 2. Mörk Íslendinga í leiknum þá skoruðu bræðurnir Arnar og Sigurður Grétarssynir. Síðari leikurinn fór fram á Laugardalsvelli en þá höfðu gestirnir betur, 0 - 2.
.jpg?proc=760){kind=logo}
