U19 karla - Öruggur sigur í fyrsta leik
Strákarnir í U19 byrjuðu undankeppni EM á því að bera sigurorð af jafnöldrum sínum frá Kasakstan. Lokatölur urðu 4 - 0 Íslendingum í vil eftir að staðan hafði verið 3 - 0 í leikhléi. Í hinum leik riðilsins gerðu Wales og Tyrkland jafntefli, 3 - 3, þar sem heimamenn í Wales jöfnuðu á 5. mínútu í uppbótartíma.
Grunnurinn að sigri Íslendinga var lagður strax í fyrri hálfleik. Ólafur Karl Finsen kom strákunum yfir á 13. mínútu. Andri Rafn Yeoman jók muninn á 24. mínútu og Guðmundur Þórarinsson skoraði þriðja markið úr vítaspyrnu á 33. mínútu. Ólafur Karl bætti svo við sínu öðru marki og fjórða marki Íslendinga í síðari hálfleik og öruggur sigur því í höfn.
Næsti leikur liðsins er við heimamenn í Wales á föstudaginn en leikið verður við Tyrki næstkomandi mánudag.
.jpg?proc=760)
.jpg?proc=760)
