Mætum snemma til að forðast biðraðir
Eins og kynnt hefur verið er uppselt á leik Íslands og Portúgals í undankeppni EM 2012, en liðin mætast á Laugardalsvelli á þriðjudag og hefst leikurinn kl. 19:45. Fólk er hvatt til að mæta tímanlega til að forðast biðraðir og troðning við innganga. Völlurinn opnar kl. 18:45.
Stuðningur áhorfenda mun vafalítið skipta sköpum í þessum leik og strákarnir treysta á hávaða og söng úr stúkunni. Fólk er jafnframt hvatt til að mæta í bláum fatnaði þannig að stúkurnar séu í litum íslenska liðsins.
Áfram Ísland!
