Arna Ýr aðstoðar á skrifstofu KSÍ
Arna Ýr Jónsdóttir er nemandi á starfsbraut Fjölbrautaskólans í Breiðholti, en brautin býður upp á fjögurra ára framhaldsnám fyrir nemendur með sérþarfir sem lokið hafa grunnskólanámi. Starfsnámið er verklegt nám og tengist hinum ýmsu námsgreinum brautarinnar og vinnustöðum á Reykjavíkursvæðinu. Nemendurnir eru á þriðja og fjórða ári þegar þeir fara í starfsnám og er mikil áhersla lögð á að velja starfsnámsstaði út frá áhugasviði þeirra.
Arna Ýr hefur mjög mikinn áhuga á fótbolta og óskaði eindregið eftir því að komast í starfsnám til KSÍ. Hún hefur aðstoðað við ýmis störf á skrifstofunni og mun halda því áfram út önnina. Nánari upplýsingar um starfsnámið má finna hér: http://www.starfsbraut.is/
Arna heldur úti bloggsíðu og hefur þetta að segja um Sigga Ragga þjálfara A-landsliðs kvenna: „Ég sé mig í framtíðinni vinna hjá KSÍ sem aðstoðarkona Sigga Ragga. Ég hef mínar skoðanir um leikkerfið hjá Sigga Ragga kvennalandsliðsþjálfara. Hann er toppmaður aðalmaðurinn sem er að þjálfa stelpurnar.“
.jpg?proc=760){kind=logo}
