U21 karla - Hópurinn fyrir Skotaleikina tilkynntur
Eyjólfur Sverrisson, landsliðsþjálfari U21 karla, tilkynnti í dag hóp sinn er mætir Skotum í tveimur umspilsleikjum um sæti í úrslitakeppni EM. Eyjólfur velur 23 leikmenn í hópinn en fyrri leikurinn fer fram á Laugardalsvelli 7. október og sá síðari í Edinborg 11. október.
Sigurvegari þessarar viðureignar tryggir sér sæti í úrslitakeppni EM u21 sem fer fram að þessu sinni í Danmörku 11. - 25. júní á næsta ári.
Miðasala á leikinn er þegar hafinn en leikurinn á Laugardalsvelli hefst kl. 19:00, fimmtudaginn 7. október.
Það má búast við tveimur hörkuleikjum á milli þessara þjóða og getur stuðningur áhorfenda á Laugardalsvelli skipt sköpum.
Styðjum okkar stráka - Áfram Ísland
.jpg?proc=760)
.jpg?proc=760)
