U17 kvenna - 10 mörk gegn Búlgaríu
Stelpurnar í U17 unnu öruggan sigur á heimastúlkum í dag í öðrum leiknum í undankeppni EM sem fram fer í Búlgaríu. Lokatölur urðu 10 – 0 eftir að staðan hafði verið 4 – 0 í leikhléi. Í hinum leik riðilsins unnu Ítalir öruggan sigur á Litháen 7 – 0 og er því framundan úrslitaleikur um efsta sæti riðilsins við Ítali á laugardaginn. Íslenska liðinu dugar jafntefli í þeim leik til að tryggja sér toppsætið.
Eins og tölurnar gefa til kynna var sigur íslensku stelpnanna aldrei í hættu og kraftmikil byrjun þeirra sló mótherjanna út af laginu, þrjú mörk komu á fyrstu 12 mínútunum. Ekkert var gefið eftir í seinni hálfleiknum og bættust sex mörk þar við. Þetta er annar stórsigur liðsins í riðlinum en á mánudaginn vannst 14 – 0 sigur á Litháen.
Efsta sæti riðilsins tryggir sæti í milliriðlum og einnig komast þær fimm þjóðir áfram sem bestan árangur hafa í öðru sæti riðlanna tíu.
