U21 karla - Strákarnir tryggðu sér sæti í umspili
Strákarnir í U21 karla tryggðu sér sæti í umspili fyrir úrslitakeppni U21 karla en hún fer fram í Danmörku á næsta ári. Dregið verður í umspilið næstkomandi föstudag. Ísland var með fjórða bestan árangur í öðru sæti úr riðlunum tíu.
Íslensku strákarnir máttu hinsvegar þola tap gegn Tékkum í síðasta leik þeirra í undankeppninni. Lokatölur urðu 3 - 1 Tékkum í vil eftir að staðan hafði verið 1 - 0 í hálfleik. Alfreð Finnbogason skoraði mark Íslendinga á 80. mínútu en þá voru Tékkar komnir í 3 - 0. Íslendingum þurfti jafntefli til að tryggja sig áfram í umspilið og eftir leikinn biðu leikmenn og forráðamenn spenntir eftir öðrum úrslitum. Þegar kom í ljós að Rússar og Rúmenar höfðu gert markalaust jafntefli þá braust út mikill fögnuður hjá hópnum enda frábær árangur í höfn.
Þær fjórtán þjóðir sem verða í umspilinu eru:
- Rúmenía
- Sviss
- Ítalía
- Holland
- Tékkland
- Svíþjóð
- Króatía
- Úkraína
- Grikkland
- Skotland
- Spánn
- England
- Hvíta Rússland
- Ísland
Nánari upplýsingar um fyrirkomulag á dráttinum verða birta síðar. Danir fara beint í úrslitakeppnina sem gestgjafar og verða þar áttunda þjóðin.
.jpg?proc=760)
.jpg?proc=760)
