Leikdagur er runninn upp í Köben
Leikdagur er runninn upp hjá A-landsliði karla, sem mætir Dönum á Parken í Kaupmannahöfn í kvöld. Leikurinn hefst kl. 18:15 að íslenskum tíma og er í beinni útsendingu á Stöð 2 sport. Byrjunarliðið verður opinberað kl. 15:15 í dag.
Strákarnir fóru í hefðbundna morgungöngu að morgni leikdags. Gengið var stutta vegalengd um bryggjuhverfið í Kaupmannahöfn. Það er hlýtt í veðri, en skýjað og nokkur vindur.
Fylgist nánar með strákunum okkar í landsliðinu á Facebook-síðu KSÍ og á vefsíðunni Í blíðu og stríðu.
