Norskur sigur í Laugardalnum
Íslenska liðið var mun sterkari aðilinn í fyrri hálfleiknum og leiddu verðskuldað í leikhléi. Markið skoraði Heiðar Helguson með laglegri hælspyrnu eftir góðan undirbúning hjá Gylfa Þór Sigurðssyni.
Norðmenn komu ákveðnir til leik í síðari hálfleik og jöfnuðu metin á 58. mínútu og sigurmarkið kom svo þegar um 15 mínútur lifðu eftir af leiknum. Norðmenn héldu svo fengnum hlut og fögnuðu vel í leikslok en vonbrigði íslensku strákana leyndu sér ekki.
Íslenska liðið heldur utan á morgun en þriðjudaginn 7. september leika þeir við Dani og fer sá leikur fram á Parken. Leikurinn hefst kl. 20:15 að staðartíma eða 18:15 að íslenskum tíma og verður í beinni útsendingu á Stöð 2 Sport.
.jpg?proc=760)
.jpg?proc=760)
