Harpa í 18 manna hópinn í stað Hólmfríðar
Harpa Þorsteinsdóttir fer með íslenska kvennalandsliðinu til Eistlands fyrir lokaleikinn í riðlinum í undankeppni HM 2011, sem fram fer á miðvikudag. Hólmfríður Magnúsdóttir er í leikbanni í leiknum og því kemur Harpa í hennar stað. Góðar líkur eru á því að Rakel Hönnudóttir geti verið með í leiknum á miðvikudag, en hún meiddist í leiknum við Frakka á laugardag og gat ekki leikið seinni hálfleikinn.
Liðið æfði á Álftanesvelli í dag, sunnudag, við góðar aðstæður, og skellti sér svo í hina stórglæsilegu sundlaug þeirra Álftnesinga.
.jpg?proc=760)
.jpg?proc=760)
