Landsliðshópur kvenna gegn Frökkum næsta laugardag
Sigurður Ragnar Eyjólfsson landsliðsþjálfari kvenna kynnti í hádeginu í dag 22 manna landsliðshóp fyrir leikinn við Frakka í undankeppni HM 2011, en Ísland og Frakkland mætast á Laugardalsvelli á laugardag kl. 16:00.
Viðureign liðanna er algjör lykilleikur í riðlinum eins og flestir vita, og eru allar líkur á að íslenska liðið þurfi að vinna með þremur mörkum, auk þess að vinna Eistland í lokaleik riðilsins til að hafna í efsta sætinu. Það er því um að gera að fjölmenna á völlinn og styðja dyggilega við bakið á stelpunum okkar, sem hafa sett stefnuna á úrslitakeppnina, sem fram fer í Þýskalandi 2011.
Katrín Jónsdóttir er leikjahæsti leikmaður liðsins með 100 leiki. Eini leikmaðurinn í hópnum sem hefur ekki leikið landsleik er Silvía Rán Sigurðardóttir.
Miðasala á leikinn er í fullum gangi á www.midi.is.
.jpg?proc=760)
.jpg?proc=760)
