Bikarúrslitaráðstefna KÞÍ og KSÍ laugardaginn 14.ágúst
Í tengslum við úrslitaleiki í VISA bikarkeppni karla og kvenna mun Knattspyrnuþjálfarafélag Íslands í samstarfi við Knattspyrnusamband Íslands standa fyrir ráðstefnu. Undanfarin ár hafa þessir viðburðir verið afar vel sóttir af þjálfurum. Í ár verður ráðstefnan haldin sameiginleg á laugardaginn 14. ágúst í húsakynnum KSÍ í Laugardal. Ráðstefnan er öllum opin.
Aðalfyrirlesari er Stuart Baxter landsliðsþjálfari karlalandsliðs Finna. Hann hefur víðtæka reynslu sem þjálfari og hefur meðal annars þjálfað félagslið í Portúgal, Noregi, Svíþjóð og Japan ásamt því að hafa þjálfað landslið Suður Afríku og U19 landslið Englendinga.
Þjálfarar liðanna í bikarúrslitum karla og kvenna mæta, segja frá og svara spurningum. Ásamt því að sérfræðingar spá í spilin og fara yfir styrkleika og veikleika liðanna í úrslitum.
Laugardagur 14. ágúst Ráðstefna KÞÍ og KSÍ
Dagskrá:
09:00 Ávarp formanns KÞÍ - Sigurður Þórir Þorsteinsson
09:05 Ávarp formanns fræðslunefndar KSÍ - Ragnhildur Skúladóttir
09:10 Liðin í úrslitaleik kvenna - spáð í spilin - Jóhannes Karl Sigursteinsson
09:30 Þjálfari Vals - Freyr Alexandersson
09:45 Þjálfari Stjörnunnar - Ólafur Þór Guðbjörnsson
10:00 Kaffihlé
10:15 THE IMPORTANCE OF QUALITY INFORMATION AND DELIVERY - Stuart Baxter
11:45 Kaffihlé
12:00 Liðin í úrslitaleik karla - spáð í spilin - Ólafur Kristjánsson
12:20 Þjálfari FH - Heimir Guðjónsson
12:35 Þjálfari KR - Rúnar Kristinsson
12:50 Ráðstefnuslit - Léttar veitingar
Laugardagur 14. ágúst VISA bikar úrslitaleikur karla 18:00 FH – KR
Sunnudagur 15. ágúst VISA bikarúrslitaleikur kvenna 16:00 Stjarnan – Valur
Þátttaka á ráðstefnunni gildir sem 6 tímar í endurmenntun KSÍ A (UEFA A) og KSÍ B (UEFA B) þjálfara.
Þátttökugjald er 3.000- krónur fyrir félagsmenn KÞÍ en 4.000- krónur fyrir aðra. Miði á báða leikina og veitingar eru innifaldar í verðinu.
Nánari dagskrá verður birt þegar nær dregur en skráning er hafin með tölvupósti á netfangið kthi@kthi.is eða siggi@ksi.is - taka þarf fram nafn og kennitölu. Greiðsla fer fram við innganginn.
.jpg?proc=760)
