Miðasala hafin á Ísland - Andorra
Í dag hófst miðasala á vináttulandsleik Íslands og Andorra sem fer fram á Laugardalsvelli, laugardaginn 29. maí kl. 16:00. Sem fyrr fer miðasala fram í gegnum miðasölukerfi hjá midi.is. Miðaverði er stillt í hóf en miðar kosta í forsölu 2.000 í rautt svæði og 1.000 krónur í grænt og blátt svæði. Miðaverð hækkar um 500 krónur á leikdag.
Þessar þjóðir hafa mæst þrisvar sinnum áður og þar af einu sinni í vináttulandsleik. Tvær viðureignanna voru í undankeppni EM 2000. Þá vann Ísland 2-0 sigur ytra og 3-0 á Laugardalsvellinum. Í vináttuleiknum, sem fram fór árið 2002, vann íslenska liðið aftur 3-0 sigur.
.jpg?proc=760)
.jpg?proc=760)
