Berfættir Blikar á æfingu
Nú stendur yfir grasrótarvika UEFA og taka aðildarfélög þátt í henni með ýmsum hætti. Hluti af vikunni er verkefni sem kallast má "Berfætt í boltanum" en þar eru grunnskólar og aðildarfélög hvött til þess að leyfa bekkjum og iðkendum að leika knattspyrnu berfætt. Er það gert til þess að minna á að ekki eru öll börn heimsins svo lánsöm að geta leikið knattspyrnu í við ásættanlegan aðbúnað eða í viðeigandi skóbúnaði. Í raun er það þannig að mörg börn eiga ekki einu sinni skóbúnað, hvað þá takkaskó.
Strákarnir í þriðja flokki Breiðabliks leystu skóþveng sinn og léku knattspyrnu á æfingu í gær berfættir. Myndirnar hér að neðan eru frá þeirri æfingu.
.jpg?proc=760){kind=logo}
