Aðgönguskírteini fyrir dómara 2010
Þeir dómarar sem dæmt hafa tilskilinn fjölda leikja og hafa sent skrifstofu KSÍ mynd af sér, geta sótt aðgönguskírteini sín á skrifstofu KSÍ. Þeir sem ekki hafa sent inn mynd eru hvattir til þess að gera það hið fyrsta á ksi@ksi.is. Athugið að skrifstofa KSÍ geymir ekki myndir frá fyrri árum.
Í reglugerð KSÍ um aðgönguskírteini, grein 2.2 segir:
„Aðgönguskírteini A skal gefið út til lands-, héraðs- og unglingadómara, sem luku a.m.k. 15 störfum árið áður eða 20 störfum á undangengnum tveimur árum. Einnig skulu þeir sem lokið hafa dómaraprófi og eru á fyrsta ári fá aðgönguskírteini A“
