U19 stelpurnar töpuðu fyrir Tékklandi
Lokaumferð milliriðils U19 kvenna fór fram í dag, en leikið er í Rússlandi. Stelpurnar okkar í U19 töpuðu 1-2 fyrir Tékklandi og hafna því í neðsta sæti riðilsins þar sem Spánverjar lögðu Rússa. Hið sorglega er að ef Ísland hefði unnið leikinn hefði liðið tryggt sér sæti í úrslitakeppni EM annað árið í röð.
Fyrri hálfleikurinn var ekki nógu góður af hálfu íslenska liðsins og Tékkar leiddu með tveimur mörkum gegn engu í hálfleik. Katrín Ásbjörnsdóttir minnkaði muninn fyrir íslenska liðið þegar nokkrar mínútur voru liðnar af síðari hálfleik, en þar við sat þrátt fyrir góða frammistöðu.
Leiknum var lýst beint á vef UEFA og má sjá lýsinguna hér.
