Aprílgabbið 2010: Dregið aftur í töfluröð í undankeppni EM 2012
Í gær barst sú tilkynning frá Knattspyrnusambandi Evrópu - UEFA að mistök hafi átt sér stað þegar dregið var í töfluröð fyrir riðla í undankeppni EM 2012. Eins og kynnt var hér á síðunni var dregið í töfluröð 25. mars og átti Ísland að leika fyrsta leikinn í undankeppninni 3. september, gegn Norðmönnum á Laugardalsvellinum.
Vegna þeirra mistaka sem komu í ljós þarf að draga aftur í töfluröð í þeim fjórum riðlum þar sem ekki náðist samkomulag um leikdaga. Þetta þýðir að enn getur það gerst að Ísland þurfi að leika heimaleik í mars 2011. Sá leikur yrði væntanlega að fara fram í knattspyrnuhúsinu Kórnum og ljóst að færri myndu komast að en vildu.
Dregið verður í höfuðstöðvum UEFA , í dag fimmtudag, og verður fylgst með þessum spennandi drætti hér á heimasíðu KSÍ. Drátturinn hefst kl. 18:00 að íslenskum tíma.
.jpg?proc=760)
.jpg?proc=760)
