Byrjunarlið Íslands gegn Mexíkó
Ólafur Jóhannesson, landsliðsþjálfari, hefur tilkynnt byrjunarlið sitt er mætir Mexíkó í vináttulandsleik í kvöld en leikið verður í Charlotte. Leikurinn verður í beinni útsendingu hjá Stöð 2 Sport og hefst útsending kl. 23:50. Ólafur stillir upp sama byrjunarliði og lék gegn Færeyingum síðastliðinn sunnudag.
Byrjunarliðið:
Markvörður: Gunnleifur Gunnleifsson
Hægri bakvörður: Skúli Jón Friðgeirsson
Vinstri bakvörður: Arnór Sveinn Aðalsteinsson
Miðverðir: Valur Fannar Gíslason og Jón Guðni Fjóluson
Tengiliðir: Bjarni Guðjónsson, fyrirliði, Guðmundur Kristjánsson og Matthías Vilhjálmsson
Hægri kantur: Steinþór Freyr Þorsteinsson
Vinstri kantur: Jóhann Berg Guðmundsson
Framherji: Kolbeinn Sigþórsson
Mikill áhugi er á leiknum og hafa selst um 65.000 miðar á leikinn en völlurinn tekur 72.500 manns í sæti. Áhorfendur koma víða að til að sjá leikinn og hafa selst miðar í 29 fylkjum Bandaríkjanna og fjórum þjóðlöndum.
Leikvangurinn er glæsilegur en á vellinum, Bank of America, leikur Carolina Panthers heimaleiki sína í NFL deildinni. Á þessum myndum, sem hinn hreyfanlegi búningastjóri Björn Ragnar Gunnarsson sendi okkur, sést að nóg pláss er í búningsklefa íslenska liðsins.
.jpg?proc=760)
.jpg?proc=760)
