Leyfisráð fundar á þriðjudag
Leyfisstjórn hefur nú lokið yfirferð fjárhagslegra leyfisgagna félaga og gert tillögur um úrbætur þar sem við á. Leyfisráð kemur saman til fundar á þriðjudag kl. 16:00 og verða þá teknar fyrir leyfisumsóknir félaga til afgreiðslu og þátttökuleyfi gefin út til þeirra félaga sem uppfylla allar lykilkröfur.
Í leyfisferlinu 2009 gaf leyfisráð út þátttökuleyfi til 16 félaga af þeim 24 sem undirgengust leyfiskerfið (félög í Pepsi-deild karla og 1. deild karla) á fyrri fundi sínum. Hinum 8 félögunum var gefinn viku frestur til að ganga frá útistandandi atriðum. Sá háttur verður einnig hafður á í þessu leyfisferli fyrir keppnistímabilið 2010.
Rétt er að fram komi að 23 leyfisumsækjendur hafa skilað fjárhagsgögnum sínum, en Þróttur R. hefur enn ekki skilað.
.jpg?proc=760)
