Mikið undir í Magdeburg
Strákarnir í U21 karlalandsliðið Íslands eru klárir í slaginn fyrir leikinn á morgun á móti Þjóðverjum. Æft var á keppnisvellinum í kvöld og fer vel um mannskapinn. Tvær æfingar voru teknar í dag en leikurinn hefst kl. 16:45 að íslenskum tíma.
Síðustu leikmenn hópsins komu á staðinn í dag eftir leiki gærdagsins en óhætt er að segja að hópurinn sé einbeittur og til í slaginn. Þó er rétt að geta þess að aðstoðarlandsliðsþjálfarinn, Tómas Ingi Tómasson, var markahæstur á skotæfingu á morgunæfingunni enda markanef hans margfrægt.
Hópurinn er einbeittur eftir kvöldfundinn og bíður spenntur eftir morgundeginum. Það gerir heimasíðan líka og verður textalýsing hér á síðunni á meðan leik stendur. Þá er einnig vitað að hægt er að sjá leikinn á Ölver og jafnvel fleiri góðum stöðum þar sem þýsk sjónvarpsstöð (DSF) mun sýna leikinn í beinni útsendingu.
