Kristinn dæmir í Þýskalandi
Kristinn Jakobsson og félagar verða í eldlínunni á fimmtudaginn þegar þeir dæma stórleik Werder Bremen og Twente í 32 liða úrslitum Evrópudeildar UEFA. Þarna verður án efa hart barist en Twente vann fyrri leikinn á heimavelli með einu marki gegn engu.
Kristni til aðstoðar verða þeir Sigurður Óli Þórleifsson og Ólafur Ingvar Guðfinnsson og fjórði dómari verður Jóhannes Valgeirsson. Auka aðstoðardómarar verða þeir Magnús Þórisson og Þorvaldur Árnason, en eins og áður í leikjum Evrópudeildarinnar eru aðstoðardómarar við sitt hvort markið.
