FH og Keflavík hafa skilað fjárhagsgögnum
FH og Keflavík hafa nú skilað fjárhagslegum gögnum vegna leyfisumsókna í Pepsi-deild 2010. Þar með hafa fimm félög skilað fjárhagsgögnum og eru þau öll úr Pepsi-deild. Áður höfðu Valur, Grindavík og Breiðablik skilað.
Fjárhagsgögnum fylgja fjölmargar staðfestingar, s.s. á því að engin vanskil séu við leikmenn, þjálfara og aðra starfsmenn, sem og við önnur knattspyrnufélög vegna félagaskipta.
Hugsanlega berast gögn frá fleiri félögum í dag föstudag, en venju samkvæmt berast væntanlega gögn flestra félaga á lokaskiladegi, sem er mánudagurinn 22. febrúar.
Í leyfisferlinu 2009 skiluðu 20 af þeim 25 félögum sem undirgengust leyfiskerfið á síðasta skiladegi.
Minnt er á neðangreint ákvæði í leyfisreglugerð.
b) Tímamörk ekki uppfyllt.
Ef leyfisumsækjandi uppfyllir ekki sett tímamörk um framlagningu leyfisgagna skal hann sæta viðurlögum. Við ákvörðun þeirra skal taka mið af því hve alvarlegt brotið er. Eftirfarandi viðurlögum er hægt að beita:
- Viðvörun og sekt; við fyrsta brot skal beita dagsektum að upphæð kr 1.500 fyrir hvern dag sem líður þangað til viðeigandi gögnum hefur verið skilað, að hámarki kr 30.000.
- Áminning og sekt; við ítrekað brot skal skal beita dagsektum að upphæð kr 3.000 fyrir hvern dag sem líður þangað til viðeigandi gögnum hefur verið skilað, að hámarki kr 60.000.
- Stigatap; við alvarlegt og ítrekað brot er jafnframt heimilt að draga allt að 3 stig frá félaginu í deildarkeppninni.
Ítrekunarkvöð fellur niður ef tímamörk hafa verið uppfyllt í 3 ár samfleytt.
.jpg?proc=760)
