Gefum allt í leikinn, gul og hreykin, gefumst aldrei upp!
"Grafarvoginn gyllir sólin, gott er mannlífið, öll við finnum út á velli að eitt er takmarkið. Stöndum þétt og þróttmikil um þetta félagslið, þor og dugur, þrek og snerpa, þetta erum við".
"Við syngjum áfram, áfram Fjölnir, við gefum allt í leikinn, gul og hreykin, gefumst aldrei upp."
Svona syngja Fjölnismenn með Jónsa í Svörtum fötum í fararbroddi.
Fjölnismenn hafa nú skilað leyfisgögnum sínum, öðrum en fjárhagslegum, fyrir keppnistímabilið 2010. Þar með hafa fjögur félög í 1. deild, þriðjungur leyfisumsækjenda í þeirri deild, skilað leyfisumsóknum sínum.
Lokaskiladagur þessara gagna er föstudaginn 15. janúar, þannig að leyfisgögnum mun væntanlega halda áfram að rigna yfir leyfisstjórn á næstu dögum. Fjárhagslegum gögnum er síðan skilað eigi síðar en 20. febrúar.
Þau gögn sem leyfisumsækjendur eiga að skila fyrir 15. janúar snúa að knattspyrnulegum þáttum (þjálfun og uppeldi ungra leikmanna), mannvirkjaþáttum (eignarréttur aðstöðu eða samningur um notkun, aðstaða áhorfenda, fjölmiðla og iðkenda), starfsfólki og stjórnun (starfslýsingar, ráðningarsamningar, menntun og reynsla) og lagalegum forsendum (lagalegur grundvöllur félags).
Minnt er á neðangreint úr leyfisreglugerðinni:
b) Tímamörk ekki uppfyllt.
Ef leyfisumsækjandi uppfyllir ekki sett tímamörk um framlagningu leyfisgagna skal hann sæta viðurlögum. Við ákvörðun þeirra skal taka mið af því hve alvarlegt brotið er. Eftirfarandi viðurlögum er hægt að beita:
- Viðvörun og sekt; við fyrsta brot skal beita dagsektum að upphæð kr 1.500 fyrir hvern dag sem líður þangað til viðeigandi gögnum hefur verið skilað, að hámarki kr 30.000.
- Áminning og sekt; við ítrekað brot skal skal beita dagsektum að upphæð kr 3.000 fyrir hvern dag sem líður þangað til viðeigandi gögnum hefur verið skilað, að hámarki kr 60.000.
- Stigatap; við alvarlegt og ítrekað brot er jafnframt heimilt að draga allt að 3 stig frá félaginu í deildarkeppninni.
Ítrekunarkvöð fellur niður ef tímamörk hafa verið uppfyllt í 3 ár samfleytt.
.jpg?proc=760)
