Skiladagur leyfisgagna er eftir 10 daga
Skilafrestur leyfisgagna, annarra en fjárhagslegra, er til 15. janúar. Nú þegar hafa 8 félög skilað leyfisgögnum, eða þriðjungur leyfisumsækjenda í þeim tveimur deildum sem undirgangast leyfiskerfið (Pepsi-deild karla og 1. deild karla), þannig að 2/3 hlutar eiga eftir að skila. Raunar hefur það aldrei áður gerst að svo mörg félög hafi skilað svo snemma, en þróunin er mjög jákvæð að mati leyfisstjórnar.
Minnt er á neðangreint úr leyfisreglugerðinni:
b) Tímamörk ekki uppfyllt.
Ef leyfisumsækjandi uppfyllir ekki sett tímamörk um framlagningu leyfisgagna skal hann sæta viðurlögum. Við ákvörðun þeirra skal taka mið af því hve alvarlegt brotið er. Eftirfarandi viðurlögum er hægt að beita:
- Viðvörun og sekt; við fyrsta brot skal beita dagsektum að upphæð kr 1.500 fyrir hvern dag sem líður þangað til viðeigandi gögnum hefur verið skilað, að hámarki kr 30.000.
- Áminning og sekt; við ítrekað brot skal skal beita dagsektum að upphæð kr 3.000 fyrir hvern dag sem líður þangað til viðeigandi gögnum hefur verið skilað, að hámarki kr 60.000.
- Stigatap; við alvarlegt og ítrekað brot er jafnframt heimilt að draga allt að 3 stig frá félaginu í deildarkeppninni.
Ítrekunarkvöð fellur niður ef tímamörk hafa verið uppfyllt í 3 ár samfleytt.
.jpg?proc=760)
