Strákarnir klárir fyrir Lúxemborg
Karlalandsliðið leikur á morgun vináttulandsleik við Lúxemborg og er leikið ytra á Josy Barthel vellinum. Leikurinn hefst kl. 18:00 og verður í beinni útsendingu á Stöð 2 Sport en útsending hefst kl. 17:50.
Hópurinn æfði tvisvar í dag á keppnisvellinum og eru leikmenn klárir í þennan vináttulandsleik sem er ellefti leikur landsliðsins á árinu.
Þetta er sjöundi landsleikur þjóðanna og hafa Íslendingar unnið fjóra leiki en tvisvar hafa leikar endað jafnir. Þjóðirnar áttust síðast við fyrir 10 árum og þá unnu Íslendingar með tveimur mörkum gegn einu með mörkum frá Arnari Gunnlaugssyni og Helga Sigurðssyni.
